MANAL GALLERY

الأربعاء، 23 ديسمبر 2009

وحشتوني..

0 التعليقات مرسلة بواسطة MANAL في 12:58 م

مرحبا ...كل سنة وانتو طيبين للعيد والسنة الجديدة وجميع المناسبات....

في عيد الاضحى بنتي الصغير من زمان نفسها اسوي لها كيكة باربي حققت امنيتها بالعيد....وصورت لعيونكم الخطوات...نبتدي..

اول شي خبزت 3 كيكات نفس الحجم وكانت نكهة فانيلا الكيك الجاهز زي بيتي كروكر ويفضل قبلها بيوم وتغلفونها بعد ماتبرد وتحطونها بالفريز..والكيكة الرابعه في صينية مقعرة...لتعطي شكل نصف دائرة..انا عندي 3 صواني نفس الحجم والي ماعندها الله يعينها تعيد الكرة 3 مرات..

نقطع الكيك بس الطبقة العلوية عشان نساوية لمن نحط الطبقات....

ونفس الخطوة تكرر مع الكيكتين الباقية..

بقطاعة البيتزا نعمل فتحة دائرية بالمنتصف وتكرر نفس الخطوة للكيكتين الباقية...

بتكون بهالشكل....جميع الثلاث كيكات..

ناخذ كريمة بيتي كروكر الجاهزة...وندهن بين الطبقات...

بهذا الشكل الى ان ننتهي من الطبقات الثلاث....
هنا بعد الانتهاء من الطبقات الثلاث...نقوم الان بدهن الطبقة العلوية..

بعد الانتهاء نضع الطبقة الرابعه بعد تفريغها من المنتصف بنفس الطريقة...

الان نبداء بقص الزوائد على نفس مستووى الطبقة العلوية لنشكل الفستان.....

تكون بهالشكل بعد الانتهاء من تقطيع الحواف....

نجهز الكريمة الي بنغطي فيها الكيكة وهي عبارة عن كريمة بيتي كروكر بيضاء مضاف لها شكولاتة بيضاء سايحة حتى تشد الكريمة اذا بردت...وبصراحة طعمها كان حلوو بس سكرها زايد انا افضل نحط الويبينغ كريم مع الشكولاتة السايحة ورشه خفيفة فانيلا وبتطلع احلى..بالاضافة للون الوردي من محلات الحلاويات..

ونبتدي نغطي الكيكة بالكريمة ..والتغطية على مرحلتين عشان تحصلين على نتيجة مرضية ....اول شي نغطي الطبقة الاولى ونحطها بالفريزر اقل شي نص ساعة...وبعدين ندهن طبقة تثانية وبرضو نبردها....وبعدها نجيب موية ساخنة في جيك والسبتيولا المعدن نغمسها فسها شوي عشان تكتسب حرارة ونمسحا بمنشفة بسرعه..ونمسح سطح الكيكة حتى يصبح املس وخالي من النتوئات...

نغلف نصف جسم الباربي بالبلاستيك وندخلها بالفجوة...والمساحة الفارغه نضع بها قطعه من الكيك..حتى تثبت الدمية...ونبداء بالتزيين حسب الرغـــــبة....

ونبداء بالتزيين...

وهذا الشكل النهائــــــــــــــي....

احب اشكر اختي تعبتها معي بالتصوير ...مرسي موناليزا:)

رايكم يهمني..

منال

الجمعة، 3 يوليو 2009

0 التعليقات مرسلة بواسطة MANAL في 1:28 م

مساء الورد....بمناسبة الصيف والاعراس...سويت بطاقة تهنئة بمناسبة الزواج وعلى طلب من زوجة اخوي...

اتمنى انها تعجبكم ...

شكل الظرف الخارجي...مدري اش فيني ماشتريت ظرف ابيض...بصراحة ماذكر لية...بس ترا في الحقيقة احلى من الصورة..:)

احاول اربط بين البطاقة والظرف بتغليف الظرف من داخل...(احس الصور غامقة:( )

شكلها من قريب...

فيها بعض الكرستالات الوردية موزعه بطريقة خفيفة....

وبـــــــــــــــــــــــــــــــــــــس......رايكم يهمني...

الجمعة، 26 يونيو 2009

2 التعليقات مرسلة بواسطة MANAL في 2:42 ص

سلام اليوم بحط شكل الصواني النهائي ويارب تعجبكم..

هذي البطات..ماصورتهم لحالهم زي الباقين وكمان القلوب بس واضحين بالصورة...

احسها بالطبيعة احلى بكثيرررررر....

فيها 4 اشكال من التوزيعات 3 منها ماشفتوها من قريب.. ماصورتها...بس اتمنى انها واضحة..

في هالصينية 5 اشكال اتوقع شفتوها كلها..

في وحدة بكت لين قالت بس على لولو كاتي اشوى اني سلمت الصواني قبل لاتطيح عليها...

من قريب...

وبســــــــ.......رايكم يهمني...

الثلاثاء، 23 يونيو 2009

7 التعليقات مرسلة بواسطة MANAL في 5:28 ص

مرحبا...اليوم بحط صور توزيعات لعمتي الغالية...طبعا الصور الي بحطها اليوم بص صور منوعه لسة ماحطيتها بالصواني حقتها..

بس بتشوفون اشكال وانواع التوزيعات..ان شاء الله راح تجيها بنوتة الله يقومها بالسلامة...

هذي اغلبها وحنا لسة نشتغل فيها طبعا بمساعدة اختي المصورة المحترفة<<تبي تجبر بخاطرها..

سوينا اكثر من شكل وحبيت ابتعد عن التقليدي ابيض ووردي دخلت الاخضر والفضي مع الوردي وطلعت حلوووة الحمد الله...

صورة ثانية لورشة العمل..بصراحة كان الشغل ممتع على الاقل بالنسبة لي :)

هذي مخدة على شكل نجمة..وشوكليت علية اشكال..طبعا الشكولاتة من شكولاين..

هذي من قريب..اهم شي الكرستاله.. :)

باقي بعد صورة تشوفون الكتابة واضحة..

الاخضر مع الوردي طالع هادي وحلوو....<<تمدح شغلها ههههههه

الدبدوب هذا مرره نعوم واخل الكيسة الصغيرة برضو شوكليت..

وهنا عشان تشوفون الكتابة واضحة..

هذي على شكل رضاعة وداخلها ملبس وعليها تاغ علية كرستالة...

وهذي تذكار ومن تحتة لصقت فية شوكليت..

وهنا صور لبعض الشوكلت بس حطينا علية استكرز خشبية باشكال تناسب المناسبة...

انتظرو الباقي بعد كم يوم..بنزل الشكل النهائي للصواني

وكالعـــــــــــــادة رايكم يهمنـــــــــــــــــــــــي...تحياتي

السبت، 20 يونيو 2009

0 التعليقات مرسلة بواسطة MANAL في 6:25 ص

مرحبـــــا...بما اني حطيت في الرساله السابقة كيكة ..قلت احط صورة كيكة كانت عندي من قبلها سويتها لاختي...

هذي طريقتها تختلف مو زي الي قبلها فوندان ...ابد ابد مانصحكم تسون طريقتها الي هي تذويب المارشمالوز بصراحة متعبة جدا وتحوس الدنيا...الفوندان انظف واسهل بكثيييييير....

على الاقل على التعب كان شكلها حلوو...اتمنى تعجبكم..وكالعادة رايكم يهمني :)

السبت، 6 يونيو 2009

8 التعليقات مرسلة بواسطة MANAL في 9:28 ص

مســـــــــــــــــاء الورد....من زمان ماحطيت شي كنت مررة مشغوله ...عاد اليوم سويت كيكة لشخص عزيز اصر اني انا الي اسوي كيكته عنده مناسبة خاصة....

قلت احط صورها حامي حامي....عشان ما انسى...

احب هاللونين سوا الاسود والوردي...وهذي اول تجاربي مع الفوندان وكانت ناجحه وسهلة جدا واكيد الجاي بيكون اكثر اتقان..

اكيد لسة يبي لها اتقان اكثر ...بس كبداية كانت حلوة..

وبــــــــــس,,,, رايكم يهمني

MANAL

الأربعاء، 18 مارس 2009

0 التعليقات مرسلة بواسطة MANAL في 4:41 ص

مساء الورد...

اليوم بنزل صور بطاقه لتقديم الفلوس...وانا حسيت ان فكرة هالبطاقه عجبتكم مره ...طبعا من اراء اغلب السيدات في المنتديات...

هنا شكل الظرف الخارجي...

وهنا شكل البطاقة الداخلية ..وفيها مساحه للكتابة...

اتمنى الفكرة كانت واضحه....لاحد يصدق اني بهدي 5 ريال ههههههههههههه...حاطتها بس اوضح الفكره هههههههه

MANAL

;;